Біз ұстанатын принцип: «Балық берме, қармақ бер!». Миссиямыз – ата-анасының қамқорлығынан айырылған балалардың білімге деген құштарлығын ояту. Қор шәкірттерді ҰБТ-ға дайындап, мамандық таңдауы мен жоғары оқу орнына түсуіне көмек береді. Құндылықтар: Білім Әр баланың оқуға деген ынтасын ашу арқылы қоғамда өз орнын табуға жағдай жасау Әлеуметтік тепе-теңдік Балалардың теңдей білім, тәрбие, мүмкіндік алуын қамтамасыз ету Бірлесу Қоғамда қайырымдылық мәдениет қалыптастырып, кез келген адамды үлес қосуға шақыру

Қор 2021 жылдан бастап жұмыс істейді. Алғаш рет Ақтөбе қаласында 35-тен 100-ге жуық шәкіртті ҰБТ-ға дайындап, қазір солардың 70% грантқа түсіп отыр. Бүгінде Астана, Балқаш, Қарағанды, Көкшетау қалаларында 100 бала шәкірт атанып, дайындықты бастап кетті. Екі бағыт: «Сапалы білім» – балаларды қосымша білім беру орталықтарына жолдап, қажет құрал-жабдықтармен қамтамасыз ету. 5-6-сынып оқушыларын дарынды балаларға арналған мектептерге оқуға түсуге дайындау: РФМШ, НИШ, БИЛ, Дарын, Физ-Мат және т.б. 9-11-сынып оқушыларын ҰБТ-ға дайындап, жоғары оқу орнына түсуге көмек беру. Мерзімі: 10 ай «Тәлімгерлік клуб» – шәкірттерді әлеуметтік ортаға бейімдеу: психологиялық кеңес, іс-шаралар, профориентация, жоғары оқу орындарымен танысу және т.б. Мерзімі: 12 ай

Поделитесь с друзьями,
поддержите проект!

фэйсбук твиттер вконтакте