Қазақстан аумағына кіре берістегі автокөлік жолдарының бойында салынатын мешіттер жолаушы қонаққа бейбітшілікті, мейірімділік пен қонақжайлылықты жеткізеді деген ойдамыз. Жолаушылар жақындары үшін, туған жері үшін дұға оқып, еліміз оларды құшақ жайып қарсы алғаны үшін Алла тағалаға шүкіршілік ете алады.

лғашқы жер учаскесі Солтүстік Қазақстан облысы, Уәлиханов ауданы, Бидайық ауылынан берілді. Ауыл маңынан А-13 «Көкшетау – Бидайық» тас жолы өтеді. Республикалық А-13 автомобиль жолы Ресей Федерациясымен мемлекеттік шекара (ЕЖАӨП Бидайық кеден бекеті), одан әрі Омбы бағытында Р393 ресейлік тас жолымен жалғасады. Болашақ мешіт 1,1038 гектар аумақты алып жатыр (жер телімінің кадастрлық нөмірі № 15-162-005-758). Жоба бойынша 100-150 орындық мешіт ғимаратының өзі, демалыс орны бар шағын фуд-корт, дүкен, шағын қонақүй және мешіт әкімшілігіне арналған тұрғын үй-жайлардан тұратын ғимараттар кешені тұрғызылады. Мешіттің айналасы абаттандырылып, серуендеуге қолайлы жағдай жасалады. Жобаның алдын ала бюджеті 85 000 000 теңгені құрайды. Жобалық-сметалық құжаттама әзірленгеннен кейін бюджеттің нақты құны белгілі болады. Ынтымақ, бірлік, имандылық нышанының қалыптасуына үлес қосып жүрген әрбір жанға Алла тағала разы болсын! Әмин!

Поделитесь с друзьями,
поддержите проект!

фэйсбук твиттер вконтакте